Saturday, 8 April, 2017
Home >>> Glasine >>> Apple sprema iTunes aplikaciju za Android a iTunes radio postaje još konkurentniji?
itunes_radio

Apple sprema iTunes aplikaciju za Android a iTunes radio postaje još konkurentniji?

Prema novom izvještaju objavljenom na blogu Billboard magazina, Apple opet vodi pregovore sa menadžerima vodećih izdavačkih kuća kako bi iTunes Radio dobio “on-demand” funkcije biranja pjesama i izvođača kakve već ima Spotify. Ono što iznenađuje je i pominjanje mogućnosti da se određeni vid iTunes aplikacije objavi i za Android uređaje!

iTunes na Androidu bi definitivno označio početak nekih novih vremena. Znamo kako Apple svoj software gotovo ekskluzivno veže za svoj hardware. iTunes za Windows je bio neophodan komoditet a Steve Jobs ga je jednom opisao ovako: “To je kao da dajete čašu ledene vode nekome ko je u paklu!” Detalji o toj aplikaciji i kad bi je mogli vidjeti na Google Play Storeu su nepoznati.

Što se tiče unapređivanja iTunes Radio servisa, taj potez je više nego logičan. Iako iTunes Store donosi prihod u tolikim iznosima da bi kao zasebna cjelina mogao biti svrstan među vrh Fortune 500 kompanija, prodaja je već neko vrijeme u padu. Razlog tome su streaming servisi kao što su Rdio ili Spotify. Isitina, njihov iTunes Radio je već sada treći najpopulraniji streaming servis u SADu ali je u isto vrijeme jako ograničen u poređenju sa svojim konkurentima.

Dodavanje mogućnosti neograničenog izbora izvođača i njihovih pjesama, a ne samo kreiranje virtuelnih radio stanica sa sadržajem koji bi se mogao svidjeti korisnicima, uveliko bi pomoglo ozbiljnosti iTunes Radio projekta. Neki čak govore da će iTunes Radio dobiti zasebnu aplikaciju u iOS 8. Gdje ima dima ima i vatre…

Što mislite o uvođenju iTunes aplikacije na Android?

 

  • Ivo

    Ne slažem se !

  • Da ovo je neki novi move posto do sada nisu dali svoj OS na tuđi Hardware a sada daju s CarPlayom.